DÍA DE ROSALÍA

A biblioteca cede un  espazo á realización da actividade de homenaxe a Rosalía de Castro mediante a ilustración  dos seus poemas. Así pretendemos amosar unha Rosalía actual, como os temas que ela trata, tan vixentes hoxe en día. A relación cos homes, a defensa da muller, da súa terra ... 
Unha Rosalía ás veces divertida, outras reinvindicativa, dura. Unha muller interpretando a outra muller. Poemas para honrar á nai das nosas letras. 
No noso colexio , en cada nivel.  aportamos unha estrofa de Rosalía pequeniña co seu debuxo interpetativo das súas letras, para todo elo pegalo nunha composición no taboleiro da entrada, pasando a ler o poema, a cantalo i resaltando así a icona desta nosa escritora.

 preme para ver máis fotos

ROSALÍA PEQUENIÑA

Rosalía pequeniña
soñaba con ser pirata

a pequena Rosalía
escribía na nosa fala.

A meniña silandeira
a da fala ben mainiña
pequeniña, pequeneira
unha meniña gaiteira.


Rosalía pequeniña
medio meiga, medio fada
ao pé da verde silveira
chamando pola alborada.


A rebelde e rebuldeira
non é musa nin postal
sube ás  ponlas das figueiras
e alí déitase a soñar.


Rosalía, Rosalía...

Rosalía pequeniña
vestida de moitas cores
que non canta nin ás pombas

nin ás delicadas flores.


Rosalía, nena india
poeta dos nosos días
que pos no sentir do pobo
badaladas de alegría.


Rosalía pequeniña
medio meiga, medio fada
ao pé da verde silveira
chamando pola alborada.


A rebelde e rebuldeira
non é musa nin postal
sube ás ponlas das figueiras
e alí déitase a soñar.

Rosalía, Rosalía...

Rosalía, rosa, Rosalía

Rosalía, nosa rosa