Vai en bici ata a escola

Esta derradeira semana do mes de maio continuamos con plan do alumnado de Primaria " Camiña ou en bici ata a escola" co obxectivo de mostrarlle á rapazada que tanto camiñando como na bici, poden acudir ao centro diariamente, sempre poñendo por diante a seguridade nos desprazamentos  en función do tipo de percorrido.

Isto potenciará  unha autonomía necesaria, maior activade física cotiá, favorecer o transporte non contaminante e uns hábitos de vida saudable moi recomendables para o futuro.

Desta, tocoulle a rutas en bici con distancias adaptadas a cada curso, con axuda de mestres e protección civil. Visita das parroquias anexas ao centro e explorar os distintos camiños do entorno.

Durante a semana, nas sesións de EF e recreos, prácticas previas, exercicios sobre a bici e estratexias para ir en grupo.

Para máis información, visiten o enlace e vexan as fotos para deducir. 

preme aquí para ver FOTOS e VIDEOS  da actividade

Camiña ata a escola

  Esta semana de maio tocounos facer camiñatas en dous días, primeiro cos cursos de1º, 2º, e 3º  saíndo do cole a camiñando ata a igrexa da Casela e volta por Zaragoza. Neste percorrido practicamos a circulación como peóns, sempre pola esquerda, por parellas e pendentes dos vehículos que circulan pola estrada. Xa de paso, prestando atención ás beiras da estrada e observando, analizando as plantas, especies arbóreas e animais que nos encontramos. Na metade fixemos un descanso para hidratarse e merendar, antes da volta cara o cole.

Na mesma dinámica os cursos de 4º, 5º e 6º que foron camiñando ata encontrar o Pozo de Onza atravesando pola Laxe e volta por San Cristovo, atravesando ao chegar o pobo de Ferreira. Neste senso, dicurriu  o traxecto por sendeiros de monte e algo de estradas secundarias. Excelentes vistas e paraxe natural no punto medio de parada para a merenda. A cascada e a ruta pola beira do río, moi interesantes.

máis fotos facendo clic aquí

Os Maios e Leandro Lamas

A festa dos maios ou tamén coñecida simplemente como Os Maios, é unha festa popular de orixes ancestrais. 

Esta festa aínda que se adoita celebrar o día 1 de maio este ano celebrámola ao longo da semana  do dez de maio. 

Antigamente tiña connotacións rituais totémicas á divindade primaveral ou das árbores , connotacións que co paso do tempo se foron perdendo ao igual que a festa en si nesta zona de GAlicia. 

Ao longo desta semana os alumnos/as foron traendo flores e follas do noso entorno e fomos adornando en pequeno grupo os nosos maios, aprendendo unha cantiga e facendo unha lámina alusiba a esta celebración que no seu día creou o debuxante Leandro Lamas.

Como premio final a este tan elaborado traballo  tivemos a visita do mesmísima Leandro Lamas, que nos ensinou a realizar unha làmina ambientada precisamente nos Maios. 

 

Aquí unha pequena escolma do traballo realizado ao longo da semana así coma no Obradoiro Creativo de Leandro Lamas.

 

 

AS NOSAS LETRAS-GALEGAS DO VALADOURO

Nesta entrada do blog imos recoller o xeito de entender, actuar, pensar, traballar,etc coa ferramenta de expresión lingüística que mellor dominamos, a que máis amamos e a que nos fai sentir orgullosos; a nosa lingua galega. Cada curso fixo unha creación propia sobre a escritora, Xela Arias, unha veciña da provincia que tantas cousas comparte connosco e que contribuíu de boa maneira a conservar o noso idioma. Falamos de todo que ten que ver coas letras galegas e con quen se lle adican este ano, así nós pretendemos tamén aportar algo para que este día e sobre todo esta lingua sexa motivo de celebración entre nós a diario, (como Darío a diario).

 

Neste enlace poderás consultar todo o que desexes sobre Xela Arias. http://seminariogalan.org/inicio/2021/documentos

XOGO XELA ARIAS