Festa fin de curso 2020.21

 Chegou o fin do curso escolar 2020/21, unha nova etapa marcada polo Protocolo Educovid no que aos centros educativo atinxe e que unha vez superado, valoramos moi positivamente a adaptación da comunidade educativa a todas estas medidas, as cales, posibilitaron rematar o curso sen incidencias.

Para celebrar este punto e seguido da ampla maioría de alumnado, a ANMPA organizou no centro unha xornada enteira de xogos para o alumnado de infantil e primaria.

Así infantil ía pasando e alternando as tres actividades propostas que consistían nun taller de tatuaxes con purpurina, uns xogos e coreografías musicais , ademais de pasar polos inchables.

Primaria tiña un obradoiro de manualidades, uns xogos de precisión (xogo da ra, encestar aros nos conos), os esquís múltiples e tamén os catro inchables diferentes que estaban instalados no poli.

Con un sistema de rotación e tempo determinado, todos e todas disfrutaron dun día de diversión e entretemento moi ben estruturado.

preme aquí para ver tódalas fotos

Intercambio co CEIP San Miguel de Reinante

 Este ano o alumnado de Educación Infantil investigou sobre o noso concello O Valadouro facendo un fermoso folleto turístico cos principais lugares a visitar, un vídeo COAS fervenzas máis importantes, rutas recomendables para facer ben a pé ou camiñando así coma unha recompilación de vocabulario específico de plantas e insectos do Valadouro. Todo este traballo enviouse ao CEIP San Miguel de Reinante posto que elesestaban investigando sobre o seu concello Barreiros así que pareceunos interesante intercambiar os folletos turísticos que elaboramos uns e outros, unha experiencia moi interesante e que pode ter continuidade nun futuro moooi próximo.

Folletos e revista recibidos hoxe.

LECTURAS PARA O VERÁN

 

Móvete en bici ou patinete en Intantil

Hoxe tocou saída na contorna do centro co alumnado de Infantil, sendo o máis curioso que todos nos desparazamos en bici ou patinete. As beirarrúas de Ferreira ateigáronse de cicloturistas  que se inician e tratan de coñecer as principais normas de circulación, non entanto que desfrutan e fan actividade física.

Vexas as fotos de como o pasamos no enlace de baixo

fotos da xornada de bici/patinete en Infantil

Camiñando e buceando na natureza en Infantil.

 Este día fomos de paseo pola contorna na procura de prantas, insectos, follas e outras elementos da natureza que fomos traballando na aula coas nosas mestras. Tiñamos preparados uns envases coas fotos dos elementos a recopilar e gardalos alí mesmo.

Disfrutamos do entorno, camiñando ata A Laxe, merendando no adro da igrexa, voltando polo pozo das moscas, sorteando as trampas dos profes e pasando unha xornada amena.

Se queredes comprobalo, ollar as fotos do enlace de abaixo.

fotos de camiñando coa natureza

Promovendo as enerxías sostibles. Visita dos educadores de Sotavento

 Ao longo desta semana recibimos visita dos educadoras e educadores de Sotavento. 

Eles faláronos das ventallas das enerxías sostibles moito menos contaminantes.

A través de diferentes experiencias axudáronos a coñecelas mellor.

Vai en bici ata a escola

Esta derradeira semana do mes de maio continuamos con plan do alumnado de Primaria " Camiña ou en bici ata a escola" co obxectivo de mostrarlle á rapazada que tanto camiñando como na bici, poden acudir ao centro diariamente, sempre poñendo por diante a seguridade nos desprazamentos  en función do tipo de percorrido.

Isto potenciará  unha autonomía necesaria, maior activade física cotiá, favorecer o transporte non contaminante e uns hábitos de vida saudable moi recomendables para o futuro.

Desta, tocoulle a rutas en bici con distancias adaptadas a cada curso, con axuda de mestres e protección civil. Visita das parroquias anexas ao centro e explorar os distintos camiños do entorno.

Durante a semana, nas sesións de EF e recreos, prácticas previas, exercicios sobre a bici e estratexias para ir en grupo.

Para máis información, visiten o enlace e vexan as fotos para deducir. 

preme aquí para ver FOTOS e VIDEOS  da actividade

Camiña ata a escola

  Esta semana de maio tocounos facer camiñatas en dous días, primeiro cos cursos de1º, 2º, e 3º  saíndo do cole a camiñando ata a igrexa da Casela e volta por Zaragoza. Neste percorrido practicamos a circulación como peóns, sempre pola esquerda, por parellas e pendentes dos vehículos que circulan pola estrada. Xa de paso, prestando atención ás beiras da estrada e observando, analizando as plantas, especies arbóreas e animais que nos encontramos. Na metade fixemos un descanso para hidratarse e merendar, antes da volta cara o cole.

Na mesma dinámica os cursos de 4º, 5º e 6º que foron camiñando ata encontrar o Pozo de Onza atravesando pola Laxe e volta por San Cristovo, atravesando ao chegar o pobo de Ferreira. Neste senso, dicurriu  o traxecto por sendeiros de monte e algo de estradas secundarias. Excelentes vistas e paraxe natural no punto medio de parada para a merenda. A cascada e a ruta pola beira do río, moi interesantes.

máis fotos facendo clic aquí

Os Maios e Leandro Lamas

A festa dos maios ou tamén coñecida simplemente como Os Maios, é unha festa popular de orixes ancestrais. 

Esta festa aínda que se adoita celebrar o día 1 de maio este ano celebrámola ao longo da semana  do dez de maio. 

Antigamente tiña connotacións rituais totémicas á divindade primaveral ou das árbores , connotacións que co paso do tempo se foron perdendo ao igual que a festa en si nesta zona de GAlicia. 

Ao longo desta semana os alumnos/as foron traendo flores e follas do noso entorno e fomos adornando en pequeno grupo os nosos maios, aprendendo unha cantiga e facendo unha lámina alusiba a esta celebración que no seu día creou o debuxante Leandro Lamas.

Como premio final a este tan elaborado traballo  tivemos a visita do mesmísima Leandro Lamas, que nos ensinou a realizar unha làmina ambientada precisamente nos Maios. 

 

Aquí unha pequena escolma do traballo realizado ao longo da semana así coma no Obradoiro Creativo de Leandro Lamas.