DÍA DA POESÍA

 O día 21 de marzo é o Día Mundial da Poesía, o cal foi aprobado pola UNESCO no ano 1999.

  O obxectivo desta acción é apoiar a diversidade lingüística mediante a expresión poética e dar a oportunidade ás linguas ameazadas de ser unha forma de comunicación artística nas súas comunidades.

Ten tamén como fin fomentar a tradición oral dos recitais poéticos, apoiar ás pequenas editoriais e crear unha imaxe atractiva da poesía nos medios de comunicación para que se vexa como outra forma de expresión de valores e reafirmación da identidade .

Deixámosvos  un conto en verso que cremos que pode ser moi útil  e enriquecedor para  todos e todas  sobre todo nos días que estamos vivindo.

https://guiainfantil.com/ocio/cuentos-infantiles/cuento-en-verso-del-coronavirus-que-ensena-a-los-ninos-a-no-contagiarse/

E como non,tamén  unha pequena plantilla que podedes descargar e despois escribir /debuxar sobre ela os vosos sentimentos respecto ao que está a acontecerr ao noso redor estes días.

.https://drive.google.com/open?id=1qCRYQuMaQcv07Qq1cs0UQsly2xqxG4va

 Se vos apetece podedes enviar o resultado á dirección de correo da biblioteca para que despois subamos as vosas creacións  

bibliovaladouro@gmail.com

ligazón á Asociaciónde Escritores e Escritoras en Lingua Galega.

8 MARZO, DÍA INTERNACIONAL DA MULLER

O Día Internacional da Muller leva celebrándose moitos anos para reclamar que mulleres e homes teñamos os mesmos dereitos e oportunidades.

Hai que recordar que, ata non hai moitos anos, en España unha muller non podía ir votar, abrir unha conta nun banco ou  traballar sen o permiso do marido.

O esforzo de moitas mulleres e homes, que crían que unha sociedade igualitaria era unha sociedade mellor, fixo que as leis foran establecendo medidas para o equiparamento dos dereitos de homes e mulleres.

Así e todo, aínda que houbo moitos avances, hai que seguir traballando para que non haxa nunca discriminacións nin violencia e para que consigamos vivir todos nunha sociedade máis xusta e plena.

preme para ver máis fotos

ENTROIDO 2020

O venres 28  de febreiro celebramos por todo o alto a gran festa do Entroido no colexio.

Como vén sendo habitual, estaba presente toda a comunidade educativa con moito ambiente festivo e moita carallada.

A primeira parte dos actos discurriu no polideportivo, onde comezabamos cunhas cancións, bailes e interpretacións de cada curso.

Pasando cada un destes a cantar as súas propias murgas que tantos recreos e tempos libres lles levou argallar. 

Todos xuntos cantamos unha murga do Entroido.

Con estas letras fixeron rir e deixaron sorprendidos ás numerosos familias que estaban nas gradas presenciando semellantes espectáculo.

Despois tomamos un chocolate e uns doces que preparou a ANPA do colexio, sobra dicir que nos puxemos de Entroido...

Pasamos a ler o testamento e as Últimas Vontades dos señores de Entroido que serían enterrados (no centro había rumores de que eran uns Hackers).

Tod@s xuntiñ@s  fomos facer un desfile polas cercanías do centro educativo onde a colaboracón de familias foi esencial, amais de aportar o toque colorido do día e contribuír no bo ambiente.

En chegando ao polideportivo de volta, houbo tempo de baile e música para que caun expresase o seu ritmo e troula.

Xa contra o final da mañán fomos quen de enterrar os "difuntiños" e chorar na súa despedida (que bos eran, incluso despois de morrer, meus pobres).

Así demos por rematado o ENTROIDO deste ano 2020.

preme para ver as fotos do entroido

FESTIVAL DE NADAL 2019

Na xornada final de trimestre e como celebración de Nadal, o venres 20 celebramos no cole o festival.

Foi nas semanas previas cando as diversas actividades feitas estaban encamiñadas á decoración dos diferentes espazos, a manualidades propias ou a ensaios. Houbo de todo no tocante ao NADAL.

Primeiramente o alumnado centrouse en poñer o ambiente característico destas datas, tanto nos corredores da entrada, como nos da biblio, como nos das aulas e decorando as súas clases, con árbores, adornos, cintas e demais.

VER DECORACIÓN DO NADAL

Así tamén houbo tempo de facer ensaios e preparar o atuendo necesario para cada actuación do festival. Vexan aquí unha mostra das actuacións de cada curso.

VER FOTOS DE ACTUACIÓNS DE NADAL

3 ANOS


4 ANOS


5 ANOS


1º EP


2º EP


  3º EP 



4ºEP



 5º 6º EP

 

3º 4º 5º 6º GRUPO DE FLAUTA

DEREITOS D@ NEN@

O alumnado de Infantil reuniuse en varias ocasións durante a semana do 20 de novembro para celebrar este día dos dereitas de nenos e nenas.

Agrupados na aula de 3 e previa distribución  de tarefas para cadas curso, xuntáronse o mércores 20 para aunar forzas e deixar constancia dos seus dereitos como nen@s, colocando arredor do planeta Terras fotos da diversidade poboacional, porén expresan que eles están presentes alí onde sexa e como sexan para aportar felicidade e moitas lecións morais

fotos da celebración 

Magosto e Samaín no Valadouro

Aprazando a xornada de Samaín, (30 de outubro) para facela coincidir co Magosto, agardamos ata o venres 8 de novembro para facer unha gran festa durante todo o día con numerosas actividades no CEIP  Pulrilingüe Santa María do Valadouro.

A comezos da semana, en Infantil foron argallando actividades para ir introducindo ao alumnado nas diferentes actividades que xiran arredor do Samaín e Magosto: comidas con formas terroríficas, pócimas, decoración de magosto, cucuruchos de castañas e ....

fotos das actividades dos grupos de Infantil

Xa desde ben iniciada a mañán, tódolos cursos e seguindo unha quenda foron quen de pasar polos corredores do colexio e apreciar o traballo feito dos distindos cursos, das cabazas expostas, da decoración, da música de ambiente e do tenebroso que se poñia o ambiente.

Desde a entrada ata a biblio ata  foron pasando e vendo as súas creacións, dando color e aire festivo a este conmemoración anual, moi clásica nos centros educativos.

 fotos da exposición de cabazas

ambientación biblio i exteriores

En Primaria e nos cursos que máis o demandaban o ambiente foise poñendo de máis e máis medo, tratando de contar historias sobre as bruxas e o que estas facían polos prados e leiras do Valadouro. Tal e como o alumnado foi contando na apócema da bruxa, algúns milagres sucedían nese treito e todo era posible gracias aos ingredientes introducidos na pota da bruxa.....

fotos do resultado da apócema da bruxa

Samaín: percorrido do medo

Cando chegaban  a biblio, alí parecía que estaban en lugar seguro, polo que tiñan seleccionados por niveis uns contos sobre o Samaín e para rematar unha canción que poñía a nota de alegría neste día.

Enlaces a  contos do Samaín en vídeo:
https://www.youtube.com/watch?v=uLKkcStWgqE&t=57s
https://www.youtube.com/watch?v=jFxaNN7JMag
https://www.youtube.com/watch?v=-oWj0igPIMI
https://www.youtube.com/watch?v=a77SG0RhJ54
https://www.youtube.com/watch?v=WDJKfkVxTRM

Enlaces a cancións do Samaín:
https://www.youtube.com/watch?v=hy-F-bWc7F4
https://www.youtube.com/watch?v=2x3puRGW7f8&t=109s
https://www.youtube.com/watch?v=EfUEd0xTlhA
https://www.youtube.com/watch?v=8e9HUdpOaiI&t=2s

https://www.youtube.com/watch?v=2pgnAO_k4YQ
https://www.youtube.com/watch?v=PZ5Bd1lSJCE

Despois de comer, no polideportivo reuniómonos todos para celebrar con música, bailes, xogos e castañas esta festa tan ancestral e galega.  Para iso invitamos tamén as familias a que nos acompañasen  e xuntos puidemos pasar unha tarde de festa. 

Magosto  - papar castañas

Magosto e Samaín: xogos e bailes

FEIRA DO MEL NO VALADOURO

En Ferreira do Valadouro destacan as grandes producións de mel. unha actividade que lles resulta moi coñecido ao noso alumnado. O 12 de outubro celébrase a FEIRA DO MEL, a cal unha enmarca numerosa oferta cultural. Proba diso foi o concurso de debuxos para o cartel que anuncia dita feira, polo que o alumnado do noso colexio participou e tamén resultou premiado por cursos pola súa colaboración.

Este venres 11 fomos ver unha exposición informativa do Consello Regulador de Mel de Galicia, cal é o seu traballo e como se elabora o proceso de mel. Probamos o material, coñecemos clases de abellas, canto viaxan, o que traballan, que tipo de mel fan segundo a súa alimentación...

De regalo, levamos un tarro de mel, un globo e un tríptico ...e a parte,  tamén trouxemos os premios de cada curso, estes foron para (ver fotos).

ver máis fotos

PAKO PAKOLAS

O pasado venres 13 de setembro fomos  convidados polo Concello a unha actuación de Pako Pakolas.  

Na súa xira de promoción do libro Pakolas,  o autor Paco Cerdeira e a ilustradora Laura Romero viaxaron ata a casa da cultura do Valadouro para contar as aventuras deste libro. En todo momento puidemos cantar e ver unha debuxante en vivo que ía ilustrando as historias musicais do contacontos. 

Divertido de ler e por suposto, moi ameno para disfrutar en directo.

ver máis fotos