De que cor pintarías o medo?
Dende a biblioteca lanzamos unha actividade titulada DE QUE COR PINTARÍAS O MEDO.
Aquí tedes as fotos dos traballos dalgúns compañeiros.
Grazas por participar ben sabedes que tedes premio!!!
ADÉNTRATE NA LECTURA, ENCONTRARÁS UNHA AVENTURA
venres, 30 de outubro de 2020
SAMAÍN ESPANTANDO O VIRUS
Este ano diferente toca facer o Samaín pero coas aportación desde as casas, polo que desde o cole facemos unha recopilación das cabazas que adornan as súas entradas e mostrámosllas neste vídeo.
O venres 30 será o día de disfraces, de música do terror nos corredores, de ler e ver contos de medo, todo de xeito grupal para non mezclarse.
Desde a biblio gustaríanos aportar, con estes dous vídeo das vosas creacións!!
Noraboa polo traballo e gracias por compartir connosco este Samaín e facelo menos diferente.
mércores, 28 de outubro de 2020
Novo protocolo
PROTOCOLO DE BIBLIOTECA
Este ano debido á crise sanitaria tivemos que facer varias adaptacións na nosa actividade docente e con elas o funcionamento da biblioteca vírase afectado.
Tiñamos previsto que os titores accederan co seu grupo de alumnos como se facía normalmente mais o aforo da biblioteca veuse reducido a nove persoas e os grupos grandes non poderían acceder ( de feito a penas poderían ir o grupo de tres anos, segundo de primaria e cuarto).
Polo que ante esta situación decidimos trasladar a biblioteca ás aulas facendo unha recompilación de lecturas adecuadas ao grupo de alumnos cun listado cos números dos carnets dos alumnos para levar un rexistro. Estas recompilacións irán renovándose periódicamente e incluindo novas lecturas.
Tamén tiñamos previsto abrir a biblioteca durante os recreos de tarde de xeito que cada curso tivera un día asignado. Mais o pasado día 16 de outubro aprobáronnos de forma transitoria a xornada continua de mañá. Abrir a biblioteca no recreo de maña resulta imposible xa que non temos persoal que se poida facer cargo da biblioteca (aumento de zonas de vixiancia, horarios de recreos diferentes en infantil e primaria e tres persoas con horario compartido con outros centros)
Polo que con toda a dor de corazón non poderemos abrir as nosas portas a pesares de ter todo preparado para o recibimento do alumnado.
A nosa actividade artellarase a través de propostas dende o blog da biblioteca sendo os profesores titores os que recollerán os traballos feitos polo alumnado para despois poder subir imaxes das actividades.
sábado, 24 de outubro de 2020
Día das bibliotecas escolares
Hoxe sería o día grande da nosa Biblioteca mais este ano ademais de ser un sábado non poderíamos celebralo como viña sendo habitual, todos xuntos e desfrutando de lecturas compartidas e representacións de guiñol ou kamishibai.
Como non podía pasar desapercibida a data ... dende o equipo de biblioteca seleccionamos e fixemos entrega de varias caixas cunha recompilación de lecturas para os nenos/as neste tempo de Samaín.
xoves, 22 de outubro de 2020
Exposición telemática de cabazas
Todos os anos por estas datas desfrutábamos dunha gran exposición de cabazas no hall do colexio.
Este ano debido á pandemia orixinada polo COVID-19 non poderemos desfrutar da súa presenza, mais negámonos a que unha festa tan arraigada no noso centro pase desapercibida. Polo que vos animamos a todos/as a decorar a vosa cabaza cabaciña e facérnola chegar!!!
Cooooomo?
Decora a túa cabaza, sácalle unha fotografía e fainola chegar!!
A traves do correo electrónico
ceip.santamaria.valadouro@edu.xunta.gal
Ou por whattsapp ao número
618 812 674
Con todas esas fotografías elaboraremos un video q poderedes ver dende o blog da biblioteca!!!
martes, 20 de outubro de 2020
PREPARANDO O SAMAÍN
Xa se respira o ambiente, en todos lados vemos caveiras, cabazas, meigas, arañas, pantasmas, gatos negros... pero realmente... que se esconde detrás da noite do chamado Samaín?
En gaélico Samhain significa literalmente fin do verán e a chegada dos días máis escuros.
Conta a tradición que no Samaín era o momento en que resultaba máis sinxelo transitar entre o mundo dos vivos e os mortos. Seica nesta noite non se recollía a mesa trala cea, xa que así as almas dos defuntos poderían alimentarse se pasaban pola casa...
Nesta noite os pobos celtas (pobos evidentemente guerreiros) collían as caveiras dos inimigos mortos na batalla e prendían no interior destas candeas para iluminalas e colocalas nos muros dos castros ... hoxe en día afortunadamente non empregamos caveiras mais sí limpamos cabazas e facemoslles caras espantosas.
Entre as moitas tradicións e lendas galegas existe a chamada Santa Compaña que ten as súas raíces tamén nesta festa. Unha comitiva de defuntos dirixida por unha persoa viva que camiña silenciosmente portando candeas. Todos debemos gardarnos de atoparnos con esta procesión xa que a persoa que dirixe esta comitiva tan so se librará do seu mal pasandolle o testigo a outro.
Dispostos a pasar un pouco de medo???
CONTOS DE MEDO
AGORA TÓCACHE A TI
Tiveche un chisquiño e medo? que sentiche? poderías poñerlle cor ao medo?
Vermello coma o sangue?
negro coma a noite?
quizais laranxa coma o lume e as cabazas...
DINOS DE QUE COR PINTARÍAS O MEDO E FAI UNHA COMPOSICIÓN ATERRADORA
- O FORMATO DA COMPOSICIÓN TAMAÑO: A4
ELIXE A COR COA QUE PINTARÍAS OS TEUS MEDOS E DINOS POR QUÉ ELEXICHE ESA COR E NON OUTRA.
por exemplo: o negro porque é a cor da escuridade, vermello porque é a cor da sangue, ....
- PODES FACER UN COLAGE CON ANAQUIÑOS DE PAPEIS DESA COR QUE ELEXICHE
- ELEXIR UNHA PERSOAXE ATERRADORA E DECORALA CON ESA COR
- DECORAR UNHA CABAZA DA COR ELEXIDA
...
ENTREGALLO AO TEU PROFE, EL FARANOS CHEGAR O TEU TRABALLO PARA PUBLICALO NESTE BLOG
POR SUPOSTO QUE TEREDES UN PREMIO POR PARTE DE LECTORÍN...
ANIMÁDEVOS!!!
CANCIÓNS DO SAMAÍN.
mércores, 14 de outubro de 2020
15 DE OUTUBRO LAVADO DE MANS
Hoxe quince ce outubro É O DÍA MUNDIAL DO LAVADO DE MANS
este debe ser un hábito que debe formar parte da nosa rutina diaria e a través da cal evitaremos contaxios e progagación de moitas enfermidades.
ten por fin este día que todo omundo practique unha boa hixene de mans.
Nun momento como o que estamos vivindo o lavado de mans resulta fundamental para o mantemento da nosa saúde e a de quen nos rodea.
e ti qué tal lavas as mans??
quizais se lavamos as mans cantando esta canción resulte máis divertido
canción dos dedos para lavar as mans
venres, 9 de outubro de 2020
CATÁLOGO DE FONDOS NA NOSA BIBLIOTECA
Desde este enlace que poñemos a continuacion pódense mirar os fondos documentais que temos rexistrados na biblioteca do CEIP Santa María do Valadouro.
Se vos apetece coller un ou facer un empréstito, a todo membro da comunidade educativa se lle asignará un número de lector e poderá levalo durante 15 días (podendo renovar o préstamo) participando así da dinamización da biblioteca escolar e tratando de paliar esta falta de actividade polo Covid-19 e os protocolos educativos que a enmarcan.
mércores, 30 de setembro de 2020
TRISTE ADEUS
HOXE TEMOS QUE LAMENTAR A TRISTE NOTICIA DO PASAMENTO DE JOAQUÍN SALVADOR LAVADO TEJÓN MÁIS COÑECIDO POR QUINO OU O QUE É O MESMO O PAI DA SEMPRE XENIAL MAFALDA
aquí vos deixamos o enlace á súa páxina oficial.https://www.quino.com.ar/
ESTAMOS DE VOLTA
Aínda que estamos a piques de comezar outubro a nosa biblioteca non está aínda debidamente acondicionada dacordo á situación que estamos vivindo debido á pandemia mundial aínda que sí xa temos elaborado o pertinente protocolo para poder acceder á mesma.
AQUÍ VOS DEIXAMOS AS PRINCIPAIS IDEAS DESTE PROTOCOLO
-O aforo da biblioteca do CEIP Santa María do Valadouro debido ás reducidas dimensións da mesma será de oito persoas sen contar o profesro de garda en cumpriimento á normativa de seguridade do protocolo establecido.
- Abrirá en horario lectivo durante os recreos de tarde os luns, mércores e venres tendo cada curso un día asignado dúas veces ao mes.
Primeira e terceira semana de mes: luns primeiro, mércores segundo venres terceiro de primaria Segunda e cuarta semana de mes: luns cuarto mércores quinto venres sexto.
- O alumnado de Infantil accederá co seu titor á biblioteca no horario asignado para tal fin como viña sendo habitual en anos anteriores.
- O alumnado accederá á biblioteca pola única porta existente gardando en todo momento a distancia de seguiridade empregando a máscara en todo momento. Tan pronto accedan farán uso do hidroxel situadO á man esquerda
- O alumnado poderá acceder á biblioteca fora do horario establecido nos recreos de tarde en compaña do seu profesor titor na hora asignada para o seu curso gardando en todo momento as distancias de seguridade.
- Os lugares asignados para sentar estarán debidamente identificados. - cando un alumno acceda á biblioteca daráselle un adhesivo de cor para que o deixe pegado no lugar que ocupou co fin de proceder á posterior desinfección.
PRÉSTAMO DE LIBROS: Existirá un libro de préstamos por titoría cos números de carne dos alumnos no cal o titor anotará o número de rexistro do libro que o alumno levará emprestado. Posteriormente os encargados de biblioteca procederán a efectuar o préstamo no programa. Tralo acceso á biblioteca de cada grupo as fiestras deben permanecer abertas antes de que entre outro grupo. As titoras de infantil farán unha selección de libros para a súa aula que se irán emprestando ao longo do primeiro trimestre entre os nenos/ nenas da aula gardando as pertinentes corentenas antes de viaxar a outra casa.
DEVOLUCIÓN: O alumnado depositará os libros emprestados nunha caixa situada na aula o día que o titor designe. Estes libros posteriormente serán depositados na biblioteca cunha anotación do día que foron entregados co fin de que garden a corentena correspondente. Tras pasar a pertinente corentena serán devoltos e colocados nos seus andeis polos responsables de biblioteca.
OUTROS PRÉSTAMOS: Poderán tomar prestados libros na biblioteca aqueles nenos/as que o desexen pero para elo deben informar ao profesor de garda que libro desexan coller, non collerán eles os libros dos andeis. Cando rematen coa lectura, deixarán os libros depositados no carriño lector co fin de que garden a respectiva corentena no carro antes de volver aos andeis.
COLABORADORES: designaranse un total de oito colaboradores: dous de terceiro, dous de cuarto, dous de quinto e dous de sexto para que sirvan de difusores das actividades deseñadas dende o blog da biblioteca animando á participación Todas as actividades estarán debidamente explicadas no blog da biblioteca para que aqueles nenos que o desexen participen e que coñezan de primeira man toda a información. Os traballos serán enviados ben telemáticamente, entregados ao titor/a ou aproveitando os recreos asignados por curso (que se depositarán os traballos na bandexa destinada para a recollida destes traballos. Todos os traballos serán publicados na páxina da biblioteca así coma os gañadores/as no caso de realizárense concursos.
NON SE PODERÁN USAR OS ORDENADORES DA BIBLIOTECA NON SE PODE FACER USO DO RECANTO MAKER DE FORMA AUTÓNOMA. O seu acceso será restrinxido de forma individual e en presenza do profesor.
Subscribirse a:
Publicacións (Atom)