Día da muller traballadora

Celebramos este día tan importante traballando un conto "Iriña bailarina" un conto que profundiza na ruptura dos roles convencionais.

Día da arbore

Con motivo do día da árbore este ano traballaronse dous contos en Educación infantil "A auga o dragón e o salgueiro" e en Educación primaria " A invención do Salgueiro"

Para rematar este día plantamos un salgueiro no patio.

Días despois nunha saída didáctica os nenos de segundo atoparon un salgueiro no seu percorrido e non dubidaron en sacar unha foto con el

Día de Rosalía

Con motivo do día de Rosalía fixeronse unha serie de actos no centro para conmemorar este día.

Os alumnos de catro anos fixeron un colage

 Coa retrato de Rosalía

A nivel xeral entre todo o colexio fixemos un puzzle co retrato da escritora. Cada curso coloreou a súa peza do puzzle d6o xeito que quixo compoñéndose o seu retrato na entrada ao centro. 

Por outro lado cada curso elexiu un poema para recitar ese día. A parte escribírono en formato A3  e ilustrárono para formar un libro. 

Deste libro, fixéronse a copias a color e repartíronse polos bares do pobo que nese fin de semana fixeron unha serie de actos conmemorativos

Outras actividades conmemorativas

Recanto Maker

Outra novidade na biblio este ano é o recanto maker. Un lugar para a investigación e o aprendizaxe activo na biblioteca.
Aqui temos á nosa disposición varios escornabots así como as súas plantillas e varias tablets.

Celebramos o día da paz

fixemos unha seleccion de contos para o dia da paz.

Os nenos grabaron a canción "Se buscan valientes" a mando de  Enrique.

Despois cada clase traballou unha frase-parte da canción e fixeron uns carteles que estan expostos no hall.

O dia da paz grabouse  en cada clase cantando a cancion traballada e facer un video sobre a base grabada polos nenos.

PROXECTO ESCORNABOT

Coa chegada dos Escornabots ao colexio a actividade é frenética, encántanos xogar e aprender cos Escornabots aquí as plantillas dos nosos xogos.
Para os que non coñecedes o que é un Escornabot é un pequeno robot que obedece as nosas intruccións se non que nos axuda a aprender.

xogo sobre a nosa comunidade

OS ANIMAIS 
que nos aporta cada un?

COÑECEMOS O VALADOURO
Xogo de preguntas sobre o noso concello.

AS PROFESIÒNS
Que precisa cada persoaxe no exercicio da sùa profesión?

Celebrando o Magosto e o Samaín

 O pasado día 31 de outubro celebramos no centro Magosto e o Samaín.
Dende a biblioteca escolar a parte de ofrecer aos alumnos unha serie de exemplares terroríficos para a súa lectura, fixemos un concurso consistente en realizar monstros terroríficos.

 Por outro lado os alumnos de sexto ofrecéronnos unha fantástica obriña de títeres sobre un conto coñecido por todos como Corre Corre Cabaciña.

Á par, o alumnado de infantil que este trimestre está a traballar os seres mitolóxicos galegos contáronlles aos maiores algúns aspectos destes seres fantásticos da nosa tradición, ofrecéndonos ademáis unha exposición de láminas de Xosé  Blanco que eles pintaron.

Proxecto maker...

Hoxe iniciamos cos nenos de sexto curso unha actividade impulsada dende a biblioteca.
Aproveitando a data na que estamos coa proximidade do Samaín decidimos realizar unha man biónica que será a desculpa perfecta para despois elaborar un relato de medo cunha personaxe terrorífica  de mans biónicas... Pero non rematará aí o xogo... despois deberán relatar este conto ante un esixente público ... serán capaces???

A actividade iniciámola na aula de sexto aínda que se rematou na propia biblioteca durante os recreos de mediodía.

MATERIAIS EMPREGADOS

- Pallas de refresco.
- Celo
- Cordón algo fino para poder pasalo por dentro das pallas.
- Tesoiras
- Rotulador permanente.

Paso 1: unimos catro pallas pola parte que levaríamos á boca no caso de empregalas co seu uso habitual.

Paso 2: a quinta palla unímola despois pero non irá recta, irá diagonal tal que así

Feito este paso abriremos as pallas como se fora unha man. Pista, a palla que colocamos en diagonal corresponde ao dedo meñique. 

Agora colocamos a man biónica sobre a nosa man e coa axuda dun compañeiro sinalamos co rotulador permanente na man biónica por onde doblan os nosos dedos e onde rematan. Cortando o cacho que nos sobra de dedo nas pallas.

Paso 3:doblamos as palliñas por onde marcamos a dobleces dos nosos dedos e cortamos unha esquiniña de xeito q nos quede un buratiño semicircular.

Paso 4: cortamos cinco anacos de cordón para introducilo dentro de cada unha das pallas. Para evitar que o cordón escape ao tirar faremos un pequeno corte na parte de arriba da palla e un no no cordón de xeito que ao tirar polo cordón pola parte de baixo a palla doble como un dos nosos dedos. 

E con isto en teoría rematamos. O próximo día empregaremolo para subsanar pequenos fallos como q un dedo nos doble ao revés ou cara o lado.

Agora queda o dificil... 

UNHA HISTORIA TERRORÍFICA...